Avropa Şurasının rəhbər şəxsləri ilə görüş

- ÖLKƏDƏ - azerbaijan-news.az ~ 6 дней назад. Просмотрено 7 раз.
Avropa Şurasının rəhbər şəxsləri ilə görüş
12 Yanvar 2017Ədliyyə nazirinin müavini Azər Cəfərovun Avropa Şurası Katibliyinin hüquqi məsələlər və qanunun aliliyi üzrə direktoru Filip Buaya və siyasi məsələlər üzrə direktoru Aleksandr Qessel ilə görüşü olub.

Ədliyyə Nazirliyinin mətbuat xidmətindən AZƏRTAC-a bildiriblər ki, görüşdə Azərbaycan ilə Avropa Şurasının səmərəli əməkdaşlıq etdiyi vurğulanıb. Həmçinin Prezident İlham Əliyevin rəhbərliyi ilə həyata keçirilən demokratik hüquqi islahatlardan, insan hüquqlarının qorunması istiqamətində aparılan işlərdən, o cümlədən bu sahədə qəbul olunmuş Milli Fəaliyyət Planının icrası üzrə tədbirlərdən bəhs edilib.

Söhbət zamanı Avropa Şurası ilə səmərəli qarşılıqlı fəaliyyətdə məhkəmə sisteminin müasirləşdirilməsi, hakimlərin Avropada örnək kimi dəyərləndirilən ən şəffaf seçimi təqdir olunub. Ölkəmizin Ədalət Mühakiməsinin Səmərəliliyi üzrə Avropa Komissiyası (CEPEJ) ilə əməkdaşlığından və bu qurumda uğurlu fəaliyyətindən məmnunluq ifadə edilib. Həmçinin Avropa Şurasının Azərbaycan üçün 2014-2016-cı il üzrə Fəaliyyət Planı çərçivəsində müxtəlif sahələr üzrə mühüm layihələrin həyata keçirilməsi, ölkəmizin İnsan Hüquqları üzrə Avropa Məhkəməsi ilə fəal əməkdaşlığı və birgə tədris tədbirlərinin təşkili barədə razılığın əldə olunması maraqla qarşılanıb.

Faydalı fikir mübadiləsi şəraitində keçən görüşdə əlaqələrin bundan sonra da uğurla davam etdiriləcəyinə əminlik bildirilib. İnsan hüquqlarının müdafiəsinin gücləndirilməsi, qanunvericiliyin təkmilləşdirilməsi, hakimliyə namizədlərin tədrisi, Avropa Məhkəməsinin qərarlarının icrası və presedentlərinin tətbiqi və digər mövzular üzrə müzakirələr aparılıb, maraq doğuran məsələlərə aydınlıq gətirilib.

Tədbirdə Avropa Şurasının Bakıdakı Ofisinin rəhbəri xanım Draqana Filipoviç də iştirak edib.



Постоянная ссылка:
http://arxiv.az/az/azerbaijan-news.az/77954606/Avropa+Shurasinin+rehber+shexsleri+ile+gorush

На других источниках

Сейчас смотрят


В системе 3332630 новостей.



Курсы валют - 18 Ян. 2017
azn
rur
eur
usd
try




Счетчик тИЦ и PR Яндекс.Метрика Рейтинг@Mail.ru
0.066 san. generasiya edilib.