“HP” şirkəti mindən çox komponentə malik foton prosessoru yaradıb

- Dünya - azertag.az ~ 9 дней назад. Просмотрено 19 раз.
“HP” şirkəti mindən çox komponentə malik foton prosessoru yaradıb

Bakı, 7 yanvar, AZƏRTAC

Hazırda informasiyanın ötürülməsi və işlənməsi üçün elektron axınından istifadə olunur, amma hesablamaların getdikcə mürəkkəbləşməsi ondan xəbər verir ki, tezliklə müasir metodlar işə yaramayacaq. Çox böyük sürətə malik fotonlar bu məsələdə daha məqsədəuyğundur. “Hewlett Packard” laboratoriyasından olan alimlər qrupu tərəfindən yaradılmış optik prosessorda kifayət qədər mürəkkəb hesablamaları sürətli və səmərəli yerinə yetirmək qabiliyyətinə malik 1052 optik komponent mövcuddur.

AZƏRTAC “hi-news.ru” saytına istinadən xəbər verir ki, optik prosessorun iş prinsipi ayrı-ayrı atomlar maqnit sahələrinin qarşılıqlı əlaqəsini müəyyənləşdirən modelə əsaslanır. Bu modelə əsasən, atomların hər biri fırlanır və onun fırlanma istiqaməti “yuxarı” və ya “aşağı” mənasını ifadə edir. Müəyyən nöqtədən yuxarı temperaturda olan ferromaqnit materiallarda atomların fırlanma istiqamətləri onların istilik dəyişiklikləri hesabına xaotikdir. Ancaq temperatur aşağı düşdükdə, ilk növbədə, atomlar arasındakı qarşılıqlı əlaqə önə çıxır və onların fırlanma istiqamətləri qaydasına düşür.

Belə prosessorlar hələ ki tam dəyərli kompüter elementi olmasalar da, müəyyən məsələlərin (məsələn, kompüter qrafikası alqoritmlərinin emalı və ya başqa böyük məlumat massivinin emalı) icrasında sürətləndirici rolunda xidmət edə bilərlər.



Постоянная ссылка:
http://arxiv.az/az/azertag.az/77777067/HP+shirketi+minden+cox+komponente+malik+foton+prosessoru+yaradib

На других источниках

  • HP foton prosessoru yaratdı HP foton prosessoru yaratdı

    Hazırda informasiyanın ötürülməsi və işlənməsi üçün elektron axınından istifadə olunur, amma hesabla...

    news.milli.az

Сейчас смотрят


В системе 3332630 новостей.



Курсы валют - 17 Ян. 2017
azn
rur
eur
usd
try




Счетчик тИЦ и PR Яндекс.Метрика Рейтинг@Mail.ru
0.063 san. generasiya edilib.